مشاوير/ حسن عبد الرحيم/ عاد ده كلام؟

0
111

> ربما يقود ما أقوله أشخاص أحبهم وأقدرهم وربما يقوده أناس مخادعون وكاذبون ولكن في جميع الأحوال إذا كان القول يأخذنا إلي الحق والحقيقة فأهلاً به أمّا إذا كان يأخذنا إلى الوهم والخداع فأنا ضده.
> بات النفاق هو السائد بيننا والطبطبة على الجروح دون كية من نار سببا في آلامنا. 
> احاديث ووعود سراب ومرة تضحك ومرة تبكي ومرة تغلبك القراية.
>ومن عالية احمد الله  ان جميع قصص المطالعة التي اطلعنا عليها كنا نعتقد انها حكايات قبل النوم ولكن هيهات فاتضح ان السلم التعليمي السوداني هو معيار الحكمة والحقيقة حيت عايشنا منذ مدة ان  جميع حكاياتة علي ارض الواقع
> كتاب المطالعة فية الشخصيات والحكايات مسيلمة الكذاب ومحمود وعاقبة الكذب وزيدان الكسلان وشخصيات خيالية. والرجل الخارق
> والناظر لما نعيشه الان يجد ان هذة الشخصيات عادت للظهور مره اخرى بعداعتقادناانهم سبختفون من المسرح السياسي ولكنهم اختفوا للحظات وقاموا بتغيير جلودهم وملابسهم وركبوا الموجه وهاك ياكلام وشعارات
، وللأسف هناك من صدق إن هؤلاء الثعالب يخافون على الثورة ومادروا انهم يعملون على تفتيتهاواغتيالها
، انانعيش في محنة اسمهاالكذب والتدليس والنفاق وكاننانعيش أحداث فيلم أرض النفاق.
، مايحدث الآن مشكلة تشكيك وتخوين وصراع ونزاع حول كيكه اجتهد فيها وعملها شباب ثواراحراروكنداكات ليأتي هؤلاء وأولئك للاستيلاء عليها
، ماسينا لاتتجزا كان فن ولا سياسه ورياضه والأخيرات ديل حكايه و روايه مشاكل وسجون وضمانات وترحيل وقروش مافي وأخطاء اداريه قاتله الهلال مثلا سجل اجنبي تونسي وجزايري لن يشأركامعه في مباراته المقبله بسبب جهل إداري بالقانون وللأسف أن من يتولون الأمر في الهلال ناس يمتلكون الخبره والتجربة الطريفي الصديق كان نائبا لرئيس الاتحادالعام وعزالدين الحاج أميناً عاماللخرطوم الوطني ومنعم جميل رئيسالجزيره الفيل ومهيارزول عارف شقل السستم
، طيب منوالبسال منو ومنو البحاسب وهووينوالمجلس عشان يسأل ولايحاسب
، هل سلفي ام كرشمبو المطرودمن المقصوره ام كرارولادكتو حسن ولاصلاح بنك ولاافكاروزغببروهوتاني المجلس فيهومنو
، حقيقيه حزنت لدكتورحسن الذي كنانحسب انه امتدادالعمالقه عملوابالهلال ولكنه ركب الموجه ليخسر الهلال رجلاكانت فيه يارقه ولكن واه من لكن هذهِ

، غياب أعضاء المجلس عن المشهدالهلالي يثيرالتساؤلات أين هم من التمارين والمباريات ولماذاهذاالاختفاء
، هل لأن الكردنه غيرموجود وهل اجتمع هؤلاء الجهابذه في غيابه وماهي القرارات التي اتخذت وهل يعلمون أن الهلال سجل لاعبااسمه إسكندر ومحترفان وان امبومبواشتكي الهلال للفيفا ووقع في كشوفات ناكاناالزامبي وان شيبوب انتقل لسيمبا التنزاني
، مغصه ولله البحصل في الهلال والله يهون عليك ياهلال
،
خلونامن الهلال ووجعو نرجع لرومانسيةالدقيروالكوباني والكلام الحلواالبردالروح والناس بقت تغني مدنية iloveyou كلام زي دة يطرشناكان سمعنابيهو كلنابكينالماالدقيرقال مولاي الشعب الاسمر خذني فانا المعشوق العاشق ولاالكوباني لماكتب للكنداكات السمحة ياستهم وللشعب كلك كلك حلو والبشيرقال وقعت من السقالة كسرتا سني دي عاد دة كلام ياجماعة

، ولوعاوزتشعروتحس بالأمان استمع للهادي الرزين مدني عباس مدني ولمولانااسماعيل التاج يااخي ديل كلامهم بنقط عسل
، والله البلدبختهابالشباب ديل فهم عزناوعزوتنا
، الشهداءاكرم مناجميعا
، اخرالمشاوير
، بعددة الناس توقف الاحتفالات وتعمل من أجل البناء وعلى شبابناوثوارناان يعلنوعن حملة نظافةلكل الشوارع
، ونغني حنبنيهوالبنحلم بيهويوماتي
، ارح نضحك شوية

> بايره تقول
اسمع ي سيد الريد امك بحننا ليك اختك بدلعا ليك حب وحنان بديك بس بس انت لي م جيت ياخ طبخه بظبتا ليك مرقات برتبا ليك هدومك بغسلا ليك بس انت لي م جيت اسمع ي سيد الريد 72ساعه ي جيت ويا نطيت كلمني لو معصور ساعتين نزودا ليك بس انت حاول دق بابنا دايرين عقدنا في ساعتين بي الفاتحه بي يسين لا زفه لا حفلات لا تكلفه مرقات نركب بواخر الريد ونروح عديل للبيت واكون مدامك ياخ م بكتر الطلبات بس مويه صلصه وزيت🌚بس انت حاول قول😩 والله م معقول مستنياك بس قول بتزوجك بكره انشالله ناكل فول مصروفنا بي المعقول بس انت حاول قول
َ،َ؛ ولاحكاية التانية القالت
يعني اسي المجلس العسكري و قوى اعلان الحرية و التغيير ( الكل فردة من بلد)
.. اتفقوا سوا على وثيقه تلمهم ويعيشوا سوا .
وانا قاعدة ما لاقية زول اتفق معاه على وثيقة تلمنا ؟
انا المجلس العسكري احسن مني في شنو..
كتالة كُتله انا؟..
مجرمة انا ؟…
اللهم لا اعتراض على حكمك
الوسيط_الاثيوبي_مايرجع
لم_تسقط_بعد
ياتبقا_زوجية_ياحردة_ابدية
زوجياااااااو
، شكرالكل من أتصل مشيدابماكتب عن الجميل دكتورالكوباني وخلال ايام العيدالمبارك سننشرعددامن المقالات الجميلة للكوباني حباً وكرامة فترقبوها
، الامنيات لابن الفنان الأصيل جمال فرفور بالشفاءدعواتكم له يااحباب.

خبرطازج

عاد ده كلام.

ترك الرد

Please enter your comment!
Please enter your name here