مشاوير/ حسن عبد الرحيم/ ونسة جمعة

0
54

*انا الموقع ادناه انا حسن ودعبدالرحيم المشهور بحسن السمين ودة كان زمان قبل ما تبقي الرغيفة بجنية زمن جوز الحمام كان اربعة والبوش عند اليماني والكسرة من خديجة والكوارع من كوثر والفسيخ من بطة والبطيخ من جمعة والصينية متوسطة الاسرة والام تحكي للاب المشاكل العملناها بالنهاروكم نهرة وتاني ماتعمل كدة ونحنا نسمع عالم الرياضة ومتين الحاج يمشي ينوم عشان نجري نلعب الدفواري
=لما كنا نلعب لفريق الحلة بدون مقابل وندفع من جيبنا لاعندنا رئيس قطاع رياضي ولامديركرة ولاوفد مقدمة ولاسلفي ولارئيس حولة مطبلاتية
=لما كنا بنعرف الكفتة فيها كم رزة ولابنعرف الخرشة ولابنحب البرشا
=اليوم يوم جمعة والامة مجتمعة والناس تسال عن بعض والزيارات للاهل وجلسات الكنكان يعني الكوتشينة أو الجلوس في مسطبةعمرالشيخ والغلاط وجلسات الليدووالقهوة والضحكة ولمة الخالات والعمات وانا اغني للسلطانة حني علي الغلبان
، كنانتكلم بحب وإحترام وصغيرنايحترم كبيرنا نقف اجلالا واحترامالاستاذناولوجاءماري بالشارع ساي نقوم جارين فللي
، ونخاف على بت الجيران لانهااختناواخت فلان وبت علان ونضارب كل من تسول لة نفسة المساس بهااومشقالتها،
، يوم الجمعة كان زي العيدبالنسبة لناكنانفرح لة كثيرا
، ونمشي تمارين الهلال ونعاين للنجوم بكل حب ونشتري القصب وناكل التبش بالشطة والتسخينةتتم وسط تصفيق الجماهيرالمحتشده داخل الاستاد والإداري كان مالي مركزو مازي إداريين اليوم يتصوروسلفي مع اللاعبين وآخرين لايعرفون كلمة لا
، كل الاشياء تغيرت وتبدلت والنفوس خربت والقلوب اسودت ونحنابقينامانحنا
، زمان كنانغني ونحناصغاريارب المطرتنزل المطرويامطيرة صبي ليناونقعدنلعب في مياةالمطروشوارعناكانت نظيفة والدنيا حلوة وهسة بقينانخاف المطرلانهاسببا في امراضناوشوارعناخربة وكلنانغرق في شبرمياة هسةشوفواالعملتومطرةالامس وماذاحدث لشوارعناوبقينامابنحب المطرة
، وكل حاجاتنا تغيرت زمان كان الحبيب يغني لمحبوبته ياحبيبي ظمات روحي وحنت التلاقي ولووشوش صوت الريح في الباب يغلبنا الشوق قبل العين
، وهسةبقينانغني دق الباب وجانااناجريت ليهوحفيانه وتاني يغنواضربني بمسدسك واملاني انارصاص وبقوايغنوللخالات وألفي ريدوفرط دقس يجي غيرويعمل مغص وابوي قال لي ماتبيعي الشطة ببيع الشطة عشان حبيبي اللقطه
، حسونا يا حسن سكر تجي بدري ماتتاخر
قنبلة سماحة الزول في الطول والعلاطبعادي عملوهافيني غايتواناكضاااب جنس كضب وهوالكضب دة بقى على انا ماكلهم بكضبو ساسة واداريين

*اليوم اكتب الي شعب جمهورية الهلال العظيم المحب لهلاله الوفي المعطاء.. المحارب المناضل الذي يتنفس حب وعظمة وكبرياء الهلال.
*عزيزي اشرف ومن الحب ماقتل لااخفيك سرا بانني اصبحت غريبا في بيتي اصبح الهلال لدي كمصاب السكري لايهدابالا ولايفتر
*غالبت الشوق بالحكمه واصبحت اغني يايوم بكرة ماتسرع وتاني اغني يمه الشوق يمه الشوق وفي النهايه اغني غناوي الحسرة والالم
*
*عزيزي كردنه من الاخر كده عايزين نقول للمعاك من انتم ومن اين اتيتم
* ماعارفين الطفا النور منو البصمجيه والاالسلفجيه ولاالسرقو المكيفات وقدموا الفواتير المضروبة ولاناس تمام يارئيس ولاناس جلابيه ام جكو الاانتا زاتك ماعارفهم معاك ولامامعاك في ا لبعملو فيهو ده ديل مامعاك
*اشفقنا عليك وانتا تفقد جماهيرك واشفقنا عليك والشبيحه يزرعون الفتن اشفقنا عليك وهم يسرقون لسانك بعد ان سرقو اموالك لست ادري هل عزابي ام عزابك كان أكبر
* لست ادري كلما نظرت إلى مجلسك قيل لي أنني على سفر سفر طويل المسافة وآخره سراب ويا خوفي من الرهاب.. والقرار الهباب
* اخاف على مجلس الهلال من الدخلاء واخاف أن يصبح الدخلاء كسد اثيوبيا.
* واخاف وأخاف واقول يا انت يا اغرق يا هلال.
. * هل ضاقت بنا سبل العيش حتى صرنا مكممي الأفواه
.، . ومتى كان يستباح الهلال ونحن رواده..ومتي كنا مسخرة واضحوكه لغرباء يتحكمون فينا
* هل نسينا محجوب شريف ناصر الشعب حبيبي وشرياني… حبيبي وشرياني انت ايها الهلال..
* ياكردنة لقدورطتانفسك باختيارك لعناصرهشة ضعيفة لاتعرف قدرالهلال أتت لة في غفلة من الزمان
، اعضاءمجلسك في عدادالموتي والمفقودين لأحس ولاخبرلابهشوولابنشواومجلس استشاري يضم اثرياء البلد اللهم لاحسد وربنايزيدهم من نعيمه
، عندمااعلنت استقالتك تمنى الكثيرون منهم أن لاتعود وركبوا مكنة رئيس واجتمعوا ووسطو عشان يجو ناطين مااصلاهم مابجوللهلال الاعبرالتعيبن انتخابات نهي
، الناس قالومامشكلة خلواالكردنة يرتاح شوية والرجل ظل لوحده يتحمل المسؤولية واعضاءمجلسه بالصفقة ماساعدوة ولاحتى باورنيك تسجيل
، المهم جماعةالاستشارية دقواصدورهم كردنة مافي نحنافي وانتظرناالمليارات التي ستأتي للهلال وتمخض الجبل فولدفارا رجال اجتمعوا عمم وشالات وملافح وواحدين طمعنانين في الرئاسة تأتي المحصلة١٤٠الف بالجديد اي والله١٤٠مليون يادي الخيبة والكسوف
، ويظهرعلي السطح الشاب الهلالي محمدعثمان الخضرالكوارتي داقي صدره ووقف وسط البلد واتحزم ودفع مليار كاش والمبلغ دة لادفعو اعضاء المجلس مجتمعين و لا الاستشارية… وبما ان مجلس الهلال به عدد من الفراجة وتمومة جرتق واستقالات البعض فإن كل الطرق تقود محمدعثمان الكوارتي للأمانة العامة. خاصة بعد استقالة عماد الطيب.. فالكوراتي يمتلك الخبرة والتجربة ونشط وعلاقات متعددة عمل في الألتراس وفي دائرة الكرة من قِبل ومع من مع خالدبخيت وابوشامة ونزارعوض مالك وحمدكمال ورئاسة البرير
، مش زي ناس جوا بالغفلة للهلال أمثال كرشمبو وصلاح بنك وسلفي فهو احسن منهم وأفضل لانه معروف في الهلال في المدرجات وداخل الميدان وناس المجلس الحالي عملو أوين ومنوالسمع بيهم قبل الهلال
، قال شنوقال نائب مديركره قال
ووحليلوهو

اخرالمشاوير

١٤٠الف عليكم الله مابتخجلوا
، خلونا من هم وغم مجلس الهلال نشوف الحاجات الحلوة والبتفرح بالأمس أجريت عملية جراحية لابن فنان الشعب الكلس جمال فرفور وجاء نجاح العملية بفضل الله ودعوات الملايين من محبي وعاشقي الحبيب جمال فرفور
، ومن البشريات أن فرفور يتوقع حضوره للخرطوم قريبا جدا وروابط محبي فرفور بالعاصمة والولايات يعدون العدةلاكبراستقبالات لة بعدان ظلويغنون لة كفاية تعال غيابك تعال
، بمناسبة الضحية وغلاءالخراف تعالونضحك بهاتين النكتتين
ﻗﺎﻟﺖ ﻟﻴﻮ ﺩﺍ ﺷﻨﻮ
، ﺍﻟﺨﺮﻭﻑ ﺍﻟﺼﻐﻴﺮﻭﻧﻲ ﺍﻟﻤﺴﻜﻮﻝ ﺍﻟﺠﺎﻳﺒﻮ ﺩﺍ ؟ ﺩﺍ ﺻﺤﻦ ﻣﺎ ﺑﻤﻼﻭ
ﻗﺎﻝ ﻟﻴﻬﺎ ﺩﺍ ﻣﻮﺍﻟﻴﺪ ﺣﺪﺍﺷﺮ ﺍﺑﺮﻳﻞ ﺧﺮﻭﻑ ﻣﻮﻟﻮﺩ ﻓﻲ ﻓﺠﺮ ﺍﻟﺜﻮﺭﺓ . ﺩﺍﻳﺮﺍﻧﻲ ﺃﺟﻴﺐ ﻟﻴﻚ ﺧﺮﻭﻑ ﻣﻮﻟﻮﺩ ﻓﻲ ﻋﻬﺪ ﺍﻟﻜﻴﺰﺍﻥ ﻳﺎ ﻛﻨﺪﺍﻛﺘﻲ ؟
ﻭ ﺿﺤﻜﺖ ﺍﻟﺪﻭﻟﺔ ﺍﻟﻌﻤﻴﻘﺔ
، النكتة التانية
واحد قال ناس البيت اشترو خروف ب ١١ مليون المشكلة ما هنا المشكلة مرقدنو في سريري
، وغداحكي قصةالكوباني عندما أرادان يكون فنان ويغني وماذاكان ردالفخيم كمال ترباس.

*خبر طازج

ونسة جمعة

ترك الرد

Please enter your comment!
Please enter your name here