مشاوير/ حسن عبد الرحيم/ سيد نفسك مين اسيادك

0
108

اروع ما قاله نزار قباني عن العيد
يا عيد عذراً فأهل الحيِّ قد راحوا..
واستوطن اﻷرض أغراب وأشباحُ…

يا عيد ماتت أزاهير الرُّبى كمداً..
وأوُصِدَ الباب ما للباب مفتاحُ…

أين المراجيح في ساحات حارتنا..
وضجَّة العيد والتَّكبير صدَّاحُ…

الله أكبر تعلو كل مئذنة..
وغمرة الحبِّ للعينين تجتاحُ…

أين الطُّقوس التي كنَّا نمارسها..
ياروعة العيد والحنَّاء فوَّاحُ…

وكلنا نصنع الحلوى بلا مللٍ..
وفرن منزلنا في الليل مصباحُ…

وبيت والدنا بالحبِّ يجمعنا..
ووجه والدتي في العيد وضَّاحُ…

أين الذين تراب اﻷرض يعشقهم..
فحيثما حطَّت اﻷقدام أفراحُ…

أين الذين إذا ما الدَّهر آلمنا..
نبكي على صدرهم نغفو ونرتاحُ…

هل تذكرون صلاة العيد تؤنسنا..؟
وبعضهم نائم والبعض لمَّاحُ…

وبعدها يذهب الإخوان وجهتهم..
نحو المقابر زوَّاراً وما ناحُوا…

لكن أفئدة بالحزن مظلمة..
وأدمع العين باﻷسرار قد باحُوا…

كنا نخطِّط للأطفال حلمهم..
ونبذل الجُّهد هم للمجد أرواحُ…

تآمر الغرب واﻷعراب واجتمعوا..
فالكل في مركبي رأس و ملَّاحُ…

وأين أسيافنا والجَّيش عنترة..
وأين حاتمنا هل كلهم راحُوا…

يا عيد عذراً فلن نعطيك فرحتنا..
مادام عمَّت بلاد العرب أتراحُ…
، وكأنما يكتب عن حالنااليوم وماتعيشة عددامن البيوت بسبب شهدائهم الذين قدمواارواحهم فداءاللوطن
هؤلاء النبلاء قدمواارواحهم من آجل التغيير العيش الكريم
، هذةالارواح التي ضحت من اجلناماذاكانت النتبجة وماهوالتغييرالذي حدث تغييرواحدهوعيدبلاكيزان ولكن من قال إنهم ذهبوافهم موجودين في كل المناصب
هذة الثورة كانت من آجل التغيير ليس لأجل إن يحكمنابرهان ولأحميدتي ولاكباشي ولاالاصم
، كانت الثورة من اجل محمداحمدالاغبش الكادح المناضل من أجل لقمة عيش كربمة
، ماذاتغير
، كل الأشياء زادت والعيشة بقت ضنك وتجاريتلاعبون بقوت الشعب دون أي رقيب
، من يصدق ان خروف الضحية يصل لمبلغ ٣٥الف يعني ٣٥ملبون بالقديم والليمونةبتلاتة جنية وأزمات وصفوف في المخابزوالطلمبات وشوارع متخسة وقلوب خربة وحكامنالايحسون بمعناة المواطن المغلوب على أمره اي تغييرحدث
لقدصبرالشعب في انتظارالفرج ويغني مع خليل إسماعيل بكرةياقلبي الحزين تلقى السعادة وكلناسنظل نرددمع الشاعرنزارقباني ياعيدعذرافلن نعطيك فرحتنا
، اخرالمشاوير
، رغم الآلام الاان الهلال اسعدنابنتيجةايجابية ستعينة كثيرافي لقاء الردبالخرطوم
، على الهلال عدم النوم في العسل في لقاءالرد
، الشئ المستغرب أن مجلس الهلال ولااستشاريتة شكرواالكوارتي علي دعمة الملياري ماعيب عليكم
، بعدنشرمقال الأمس قال الحبيب علي لكوباني ان الفخيم ترباس ضيع مستقبلة الفني
، واليوم ننشرالمقال الأول للدكتورالكوباني كماوعدتكم من قبل
، كوباني يكتب
،. زمان يا أحباب..لمن بديت اكتب وألحن الاغاني..وكمان مرات مع الغنا في الحمام..عجبني صوتي(وطبعا دي مصيبة بتحصل لناس كتار انهم ينطربوا لصوتهم دون ان يدروا ان أنكر الاصوات لصوت الحمير..لمن تستغرب لشجاعتهم في الغناء امام جمع من الناس.. وحقيقة هنا الجمل ما بشوف عوجة رقبتو ..).. أها قلت يا ود أنت ليه ما تبقى فنان..وتعمل ليك عمة كبيرة زي بتاعت الحبيب الفخيم كمال ترباس ..وأهو الواحد يقبض عداد زي بتاع ترباس (عداد ككو ما بنطوو)..والواحد يبطل شغلة التشريح القال عليها قدوم كلب بأنها ما شغلة اولاد ناس..وبدل الواحد يطلع رزقو من حنك الميت..
وقلت كمان الواحد يشتغل في بيئة عمل اكثر فرحاً وجمالاً ونظافة..والزبائن بجوك في ابهى زيي وميك آب واجمل عطور….
مش زينا..لمن قال علينا الحبيب الراحل د.عوض دكام رحمه الله..ياهو حالكم..عفانة البيت..ورشوه بالفليت
اها انتظرت اول ما جاني ترباس وبعد ما شربنا الشاي ورووق..قلت ليهو يا قوون يا اصلي..يا سيد الشي..انا قررت ابقى فنان..وعايز دعمك
قام طوالي قال لي شوف يا كوباني..لو تجاوزنا عن صوتك الكعب ده..وتميناهو بتعلية المزيكة والايقاع..حتكون مشكلتك الكبيرة في الغلاف..
(اخخ ضربة حرة مباشرة )..
على العموم انا لا زلت افتكر انو ده كان حقد من ترباس وهو خاف من المنافسة عشان كده حطمني
اها يا أحباب..مع بشريات قرب الاتفاق مع المجلس العسكري..النصيحة للاخوان في قوى الحرية والتغيير وتجمع المهنيين انه في اختياراتكم لمجلس السيادة والحكومة..بالله ما تشتغلوا (بالغلاف) والوهم بتاعين النضمي..وركزوا لينا في الجوهر وقوة الشخصية والقدرة على القيادة والريادة ورجم المفسدين..
وتذكروا ان الشعب السوداني نساء ورجال وشباب ثورة هم أسود ..فلا تجعلوا من يقودوهم أرانب..
#أحسنوا_اختيار_الحكومة.

خبر طازج

سيد نفسك مين اسيادك

ترك الرد

Please enter your comment!
Please enter your name here